Bašo khedina

Ko Nacionalno muzejeskere khedina isi makhlina, sklupture, crtežija hem grafike kotar o 1500-beršipa pa sa dži ko 1900-beršipa, isi hem džankerina hem dezajnija kotar o 1500-beršipa pa sa dži avdive. Ko džankerina hem dezajnengerekhedina khuvena ko Gustavsbergereskere khedina kori so isi komaj 40 000 buča kotar i Gustavsberg porcelaneskiri fabrika. O Nacionalno muzei administririnela hem o Raštrakere portretengere khedina (Statens porträttsamling), kori so isi portetija kotar o 1400-beršipa pa angle. Othe khuvena jek baro kotor khedina portretengere fotogrfiencar. E Raštrakere portretengere khedina (Statens porträttsamling) isi olen olengoro kher ko Gripsholms slott ko Mariefred.

O Nacionalno muzei ki sa i Švedija

Osim kotar odova o muzei odgovorinela bašo džankeriba hem džankerinengere khedina ko disave zamkoja, rajalekhera hem muzeija ki sa i Švedija, maškr o javera ko thagarutno kher Gripsholm, Drottningholm, Strömsholm, Rosersberg hem Ulriksdal.

Läckö zamko

Ko Läckö zamko ki Västergötland isi khedina soj luksuzna buča kotar o 1600-šelberšipa kotar o vakti keda i Švedija sine barizor. Olencar administririnela o Nacionalno muzei kova so kerela sakova berš nilaeskere izložbe hem sikavena pe ko zamko.

Nynäs zamko

O Nynäs slott, ki Nyköping komuna, i jek kotar okola soj komaj kompleti rajalekhera, so isi olen orginalno buča kotar o 1600-šelberšipa pa si dži ko početko kotar o 1900-šelberšipa. E zamkoskere inventarencar kerela buti o Nacionalno muzei.

Nationalmuseum Jamtli

O Nacionalno muzei Jamtli (Nationalmuseum Jamtli) phravdilo ko 17 juni 2018, ov i jek maškarbutikeribe (suradnja/sorabotka) maškar o Nacionalno muzei ko Stockholm hem o regionalno muzei Jamtli ko Östersund. Odova i jek muzei ko muzei hem jek arena bašo džankeriba hem dezajnengere doživljaenge ko Östersund kori so o nagradimo Jemtlieskiri pedagogika kombinirinela pe e Nacionalno muzejeskere unikatno khedinencar hem džanibencar. O izložbe kerena pe kotar o Nacionalno muzei hem sikavena pe važna kerina kotar e muzejeskere džankerinengere hem dezajnengere khedina.