Dikh, doživin, ker

Dikh o khedina ko redo e Vremeskere (vakteskere) liniaja

O khedina , e evropikane džankeribencar kotar o šov šelto berš prezentirinela pe hronologikane redoja ki jek gindimale liniaja ko sa o kher. Akate šaj lokhe te navigirine ko but šelberša. Makhlina, sklupture, crtežija, grafikane patrina, fotografikane portretija, mobelija, džankerina hem dezajnija, sikavena pe jek uzo javera kaj te šaj te den jek horeder haljoviba hem buteder perspektiva bašo sajavera (razna) vakteskere epohe.


Sakone vakteskere epoha isi ola pli izložibaskiri sala. Akate vazdaja odova so i šeruno (glavno) ko džankeriba hem ko aktuelna kulturno hem društveno oviba. Ko tikneder sobe isi than bašo buvljarde dikhiba ja pale hordžajbe ko sajaver pučiba so phandela o buča e vaktea.

Amen mangaja tu te doživine so buteder so šaj taro khedina hem odoleske amen meninaja disavo var o buča so sikavena pe. Othe ka ovel komaj sakova var diso nevo te pučarel pe.

Privremena izložbe

Osim tari Vakteskiri linija sikavena pe he privremena izložbe, but vare lela pe džankeriba kotar javera muzeija hem khedina kotar sa o svetoUtöver. Disavo var vazdaja o džankeriba so nane but pendžarde ki Švedija, ma kova so mangaja čače but te prezentirina e muzejeskere gostenge. Amen prezentirinaja hem izložbe kola so ko sajavera čhanija vazdena pučiba ja pale teme kola i aktuelna baš akana.

Čhavengoro Nationalmuseum

Villa Curiosa i jek gindali, absurdno hem jek filozofikani izložba čhavenge so dela kličija bašo tumačiba hem doživiba bašo Nacionalno muzejeskere khedina hem generalno bašo džankeriba. Akate nakhena šukar maškar peste o orginalna džankerina taro muzejeskere khedina e rekvizitencar taro gindimale doživibaskere thana. Jek than kori so heminela pe e istorijakoro pakalo khujbe e paramisengere svetoja – kori so šaj phravdžona udara kaj te roden pe buča, te khelel pe, te testirinen pe iluzie, o ginde (misle) džana hor hem o osetija ovena stimulirime hem odmorime. I izložba i e čhavenge kotar 6 dži ko 11 berša hem olengere interesirime dajenge-dadenge.

Ko ateleija isi e čhaven šajipa te istražinen sajavera džankerutne tehnike hem matrijalija. Ola šaj pašona e džankeribaske ko jek khelutno hem filozofikano čhani barabar e muzejeskere džankeribaskere pedagogencar. Phravde familikane divesa hem plo keribe, školakiri buti ki ferija hem džankeribaskere kursija i jek kotor o aktivitetija so nudinena pe.

O app sar gajdi

O Nationalmuseum Visitor Guide App isi ole audiogajdija, fakta hem inspiracija. Odova i tlo najšukar prateniko keda avea ko muzei hem jek čače baro barvalipe tuke so mangea te džane. Komaj sa so isi ko appi i ki švedikani hem anglikani čhib.

Angleder te ave ko muzei huljar o appi hem le tuja šunarija (slušalke). O appi šaj arakjea ko Google Play ja pale ko Appstore.