Slobodna slike
6 000 slike bare rezoluciaja kotar e muzejeskere najpopularna makhlinencar šaj huljarena pe bilovengoro ko Wikimedia Commons. O slike i nišanikerde sar Public Domain odova značinela kaj ola i jek kotor kotar o barabarikano (zaedničko) kulturikano mukhin (nasledstvo). Tu šaj koristineja olen sar mangeja, na trebela tuke disavi specijalno dozvola. Ki muzejeskiri data baza isi jek verzija taro akala slike soj šaj te barakeren pe.
Poručin slike
Ki Nacionalno muzejeskiri slikengiri arhiva isi buteder taro jek milioni slike kotar sa e muzejeskere buča olengiri istorija, oviba, personali hem slike kotar e javerengere muzejengere buča hem khedina. Te na arakhljani disavi slika so rodeja ko Wikimedia Commons tegani šaj poručinea ola kotar e slikengiri arhiva.
Džankeribaskiri biblioteka (Konstbibliotek) hem arhiva
E Nacionalno muzeume isi ole, barabar e Moderno muzeumeja (Moderna museet), jek kotar i najbari biblioteka bašo džankeriba, fotografie hem dezajni ko Norden. E džankeribaskere bibliotekakere ljila i khedina kotar solduj muzeumija tari renesnsa pa dži avdive.
Ki arhiva isi e muzeumeskiri vlastengiri arhiva hem posebno arhiva lilengere khedinencar, firmengere hem organizaciengere arhivencar.
I Džankerutni biblioteka, i arhiva hem e slikengiri arhiva ola obratinena pe e sarinipaske (društvoske), rodkerarenge (istraživačeng) hem e bučakerde manušenge ko muzeumija.
Gostibaskiri adresa:
Holmamiralens väg 2, ko Skeppsholmen ko Stockholm
Kontaktiribe e arhiva: arkivet@nationalmuseum.se
Kontaktiribe e džankeribaskere biblioteka: konstbiblioteket@nationalmuseum.se
Telefoni: 08-5195 4352
O Nacionalno muzeum (Nationalmuseum) ki škola
O Nacionalno muzei mangela te del sa e sikljovnenge jek šukar, izazivno hem sikljutno khedibe e džankeribaja ama palo sikljovnengere preduslovija. E školakiributi usmerinela pe premal i angloškola, fundamentalno škola hem gimnazija a isto adžahar premal baremanušengere grupe so sikljona i švedikani čhib e avutnemanušenge (emigrantenge) hem i švedikani sar dujto čhib. Amen nudinaja hem sikavibaskoro ingaribe hem studiribaskoro matrijali bašo sikavibe ko klasija, školakoro programi sikavibencar hem korkori keriba buča, sigsikljojbe e sikavnenge hem šajipa bašo specijalna planirime buča bašo projekti Skapande skola.