Fuomáš čoakkáldagaid miehtá Áigelinjjá
Čoakkáldagat, guđa jahkečuođi eurohpálaš, vuosehuvvo kronologalaččat, miehtá jurddašuvvon áigelinjjá dálu čađa. Dáppe don sáhtát ollet jahkečuđiid čađa Málemat, bázzit, devnnegat, gráfalaš bláđit, govvapotreahtat, viessogálvvut, dáiddaduojit ja hábmemat gilga gilggas vai oažžu čiekŋalit ipmárdusa ja geahččanguovllu sierra áigeáigodagain.
Juohke áigeáigodagas lea iežas stuora čájáhallanlatnja. Dáppe mii váldit oidnosii dáidaga oaivesárgosiid ja áigeguovdilis kultur- ja servodatrávnnjiid. Unnit, lahka lanjain lea sadji viidát oainnuide dehe čiekŋalit čiekŋumiidda sierra jearaldagaide mat čatnasit áigái.
Mii háliidit ahte don galggat vásihit nu olu go vejolaš čoakkáldagain ja danin mii molsut duollet dalle dihto diŋggaid maid čájehuvvo. Galgá measta álot leat juoga ođas áicat.
Gaskaboddosaš čájáhusat
Áigelinjjá lassin čájehuvvo gaskaboddosaš čájáhusat, dávjá dáidagiin mat leat luikojuvvon eará museain ja čoakkáldagain birra máilmmi. Muhtumin mii loktet dáiddalašvuođa mii lea oalle amaš Ruoŧas, muhto man mii millosit háliidit oahpástuhttit musea gallededdjiide. Mii fállat maid dáidaga mii máŋgga ládje čatnasa jearaldagaide ja ávdnasiidda mat leat áigeguovdilat jur dál.
Mánáid Našuvnnalašmusea
Villa Curiosa lea áiccálaš, jierpmehis ja filosofalaš čájáhus mánáide mii addá čoavdagiid Našuvnnalašmusea čoakkáldagaid dulkomii ja vásihemiide ja dáidagii ollásit. Dáppe soabadit musea čoakkáldagaid origináladáidagat veahkkeneavvuiguin áiccálaš vásihanbirrasii. Báiki gos historjjá soadječaskin ja máidnasa máilbmi seahkanit – gos luŋkkaid sáhttá rahpat ja dutkat, stohkosiid stoahkat, boasttuoainnuid testet, jurdagiid čiekŋudit ja áiccuid stimuleret ja vuoiŋŋastit. Čájáhus lea dárkkuhuvvon mánáide 6-11 jagi gaskkas ja sin sáhkaváibmilis ráves olbmuide
Ateljéin mánáin lea vejolašvuohta dutkat sierra dáiddalaš teknihkaid materiálaid . Sii ožžot lahkonit dáidagii skálkái ja filosofalaš vugiin ovttas musea dáiddapedagogaiguin. Rabas bearašbeaivvit vuosehemiiguin ja iežas hábmemiin, skuvlalohpedoaimmat ja dáiddakurssat leat moadde ovdamearkka doaimmain mat fállojuvvo.
Appe oahpisteaddjin
Našuvnnalašmusea Visitor Guide App siskkilda audiooahpisteddjiid, dieđu ja oaivadusa. Dat lea buoremus mieđusteaddji du museagalledeami áigge ja rivttes golleruvki dutnje gii leat sáhkkái. Measta buot appa sisdoallu lea ruoŧagillii ja eŋgelasgillii.
Luđe appe ovddalgihtii ja váldde millosit mielde bealljebeljosa go galggat galledit museas. Don gávnnat appen Google Plays dehe Appstores.