Našuvnnalašmuseas čoakkáldagain leat málemat, bázzit, devnnegat ja grafihka 1500-logus gitta 1900- logu molsaseapmái sihke dáiddaduodji ja hábmen 1500-logus gitta otná beaivái. Dáiddaduodje- ja hábmenčoakkáldagaide gullo Gustavsberggačoakkáldat, sullii 40 000 diŋgga Gustavsbergga porslinfabrihkas. Našuvnnalašmusea fuolaha maid Stáhta portreahttačoakkáldaga, portreahtaiguin 1400-logus ja ovddos. Dasa gullo mearkkašahtti portreahttagovva čoakkáldat. Stáhta portreahttačoakkáldaga ruoktobáiki lea Gripsholmma šloahtas Mariefredes.
Našuvnnalašmusea birra Ruoŧa
Dáid lassin musea vástida dáidda ja dáiddaduodje čoakkáldagain máŋggain šloahtain, hearrásgárddiin ja museain birra Ruoŧa, earet eará gonagaslaš šloahtas Gripsholmmas, Drottningholmmas, Strömsholmmas, Rosersberggas ja Ulriksdales.
Läckö šloahtas
Läckö šloahtas Västergötlanddas leat čoakkáldagat luksusdiŋggain 1600-logu ruoŧa allafápmoáiggis. s Našuvnnalašmusea hálddaša daid mii maid ordne geassečájáhusaid mat juohke jagi čájehuvvo šloahtas.
Nynäsa šloahtta
Nynäsa šloahtta, Nyköpingga gielddas, lea measta ollislaš hearrásruoktu, gos leat origináladiŋggat 1600-logus gitta 1900-logu álgui. Našuvnnalašmusea oamasta ja dikšu Šloahta gálvvuid..
Našuvnnalašmusea Jamtli
Našuvnnalašmusea Jamtli, mii rabai geassemánu 17 beaivve 2018, lea ovttasbargu Stockholmma Našuvnnalašmusea ja Jamtli guovlo musea Östersunddas gaskkan. Dat lea musea museas ja arena dáidda- ja hábmenvásáhusaide Östersunddas gos Jamtlis bálkkašuvvon pedagogihkka ovttasuvvo Našuvnnalašmusea erenomáš čoakkáldagaiguin ja máhtuin. Našuvnnalašmusea buvttada čájáhusaid ja čájeha čoavddadáidagiid musea dáidda- ja hábmenčoakkáldagain.